ब्रेकिंग

देश

मेधा कुलकर्णी, सुप्रिया सुळे ठरल्या ‘संसदरत्न’

Samruddhi Dhayagude
19 May 2025

नवी दिल्ली : सात खासदारांना संसदरत्न -२०२५ पुरस्कार रविवारी जाहीर करण्यात आला. त्यामध्ये भर्तृहरी महताब आणि रवी किशन आणि संसदेच्या दोन स्थायी समितीच्या सदस्यांचा समावेश आहे.

संसदेच्या कामकाजात भरीव योगदान देणार्‍या खासदारांना संसदरत्न पुरस्काराने सन्मानित करण्यात येते. राष्ट्रीय अनुसूचित जाती आयोगाचे अध्यक्ष हंसराज अहिर यांच्या अध्यक्षतेखालील समितीने पुरस्कारासाठी खासदारांच्या नावाची निवड केली होती. महताब यांच्यासह राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे, रासपचे एन. के. प्रेमचंद्रन आणि श्रीरंग बारणे यांना पुरस्कार जाहीर झाला. अन्य पुरस्कार विजेत्यांमध्ये भाजपच्या स्मिता वाघ, ठाकरे गटाचे अरविंद सावंत, शिवसेनेचे नरेश म्हस्के, काँग्रेसच्या वर्षा गायकवाड, भाजपच्या मेधा कुलकर्णी, प्रविण पाटील, रवी कृष्णन, निशिकांत दुबे, बिद्युत बरन महतो, पी. पी. चौधरी, मदन राठोड आणि दिलीप साकिया तसेच द्रमुकचे सीएन अणदुराई यांचा समावेश आहे.दरम्यान, अर्थ समितीचे अध्यक्ष महताब आणि कृषी समितीचे अध्यक्ष आणि काँग्रेसचे चरणजित सिंग चान्नी यांचा समावेश आहे.